VIJANA WA KIAFRIKA WAJERUHIWA KWA RISASI NCHINI UTURUKI

Taarifa kutoka mjini Istanbul zinasema kuwa Waafrika wanne raia wa Liberia wamepigwa risasi na kijana mmoja wa Kituruki anayekadiriwa kuwa na umri wa miaka 20.

Tukio hilo limetokea katika eneo la Mecidiyekoy mjini Istanbul. Maelezo ya kina juu ya tukio hilo bado hayajatolewa, ila taarifa zilizoifikia meza ya Mzizima 24 kutoka huko zinaelezwa kuwa chanzo chake ni ubaguzi wa rangi.

Taarifa hizo za awali zinadai kuwa Waafrika hao walikuwa katika jengo la Trump tower wakinywa kahawa ndipo kijana huyo wa Kituruki alipoingia, akachomoa bastola yake akasema: “Siwapendi watu weusi” na hapo hapo akawafyatulia risasi kadhaa miguuni na kuwajeruhi vibaya sana.

Kwa sasa waathirika hao wanapata matibabu katika hospitali ya Sisli mjini humo. Inasemekana kuwa tukio kama hilo lilitokea katika eneo la Kurtulus, Istanbul siku kadhaa zilizopita ambapo kijana mmoja kutoka Nigeria alipigwa risasi mguuni na kujeruhiwa vibaya sana, hali inayoonekana kuwa Waafrika wanaonekana kulengwa na baadhi ya magenge ya vijana mjini humo.

Mzizima 24 inafanya juhudi za kuwasiliana na JUMUIYA YA WANAFUNZI WA KIAFRIKA NCHINI UTURUKI (TASU) ili kupata maelezo zaidi juu ya matukio hayo.

Share on Google Plus

About Unknown

This is a short description in the author block about the author. You edit it by entering text in the "Biographical Info" field in the user admin panel.