SIKU 100 ZA MAUAJI YA KIMBARI YA NCHINI RWANDA

Aprili 6, 1994 ni siku ya masaibu kwa Rwanda. Ni siku ambayo ndege ya rais ilitunguliwa kwenye uwanja wa ndege wa Kigali na kumuua aliyekuwa rais wa nchi hiyo Juvenal Habyarimana na mwenzake wa Burundi Cyprien Ntaryamira pamoja na watu wengine 14.

Siku iliyofuata, mauaji ya halaika yalianza nchini humo. Hivyo, kifo cha Habyarimana kilichochea moto wa mauaji ya watu wapatao milioni moja ndani ya siku 100. Wahanga wakubwa walikuwa Watutsi na Wahutu wenye msimamo wa wastani.

Hata hivyo, inaonesha kuwa mbegu ya mauaji ya kimbari ilikuwa imepandwa miaka mingi kabla, na matokeo yalianza kuonekana wakati wa maasi ya mwaka 1959 ambapo inaelezwa kuwa zaidi ya watu 20,000 waliuawa.

Pamoja na hayo yote, swali la:

“Ni nani aliyeitungua ndege ya Rais Habyarimana?” bado halijapata jibu muafaka na lisilokuwa na shaka.

Ni dhahiri kuwa mauaji hayo ya kimbari yataendelea kuwa doa kwa bara la Afrika na dunia kwa ujumla, na yumkini maswali mengi yenye utata yasipatiwe majawabu mujarabu.

Share on Google Plus

About Unknown

This is a short description in the author block about the author. You edit it by entering text in the "Biographical Info" field in the user admin panel.