SHAMBULIZI LA BOMU LAUA 23 NA KUJERUHI 50

 

Mlipuko mkubwa wa bomu uliotokea katika soko moja mjini Islamabad Pakistan, umewaua watu 23 na kuwajeruhi wengine zaidi ya 50.

Tukio hilo linaloonekana kama pigo kwa mazungumzo ya amani baina ya serikali na wapiganaji wa kundi la Taliban, limetokea leo katika soko  maarufu la matunda ya jumla wakati wachuuzi na wanunuzi wakiwa wamekusanyika hapo kwa ajili ya biashara.

Mlipuko huu ndio mlipuko mbaya zaidi kutokea katika mji huo tangu tukio la mlipuko wa mwaka 2008 katika hoteli maarufu ya Marriott, na limetokea katika wakati ambao serikali inajaribu kufanya juhudi za mazungumzo ya kukomesha uasi wa kundi la Tehreek-e-Taliban Pakistan uliodumu kwa miaka saba sasa.

Kwa mujibu wa Taasisi ya Sayansi ya Tiba nchini humo (PIMS) watu 50 wamejeruhiwa katika mlipuko huo na wagonjwa wawili wana hali mbaya sana.

Tukio hili linatokea mwezi mmoja baada ya shambulizi la bomu lililotokea kwenye jengo la mahakama mjini Islamabad lililopoteza maisha ya watu 11 akiwemo jaji mmoja.

Pakistan imekuwa ikitikiswa na mashambulizi yanayohusishwa na uasi wa kundi la Taliban tangu mwaka 2007 lakini katika miaka ya hivi karibuni mashambulizi katika mji mkuu yamepungua.

Share on Google Plus

About Unknown

This is a short description in the author block about the author. You edit it by entering text in the "Biographical Info" field in the user admin panel.