JOSE MOURINHO: SIKUWAHI KUTIBUANA NA ZLATAN IBRAHIMOVIC

 

Meneja wa klabu ya Chelsea Jose Mourinho amekanusha taarifa za kutokua na maelewano mazuri na mshambuliaji kutoka nchini Sweden pamoja na klabu ya Paris St German ya nchini Ufaransa, Zlatan Ibrahimovic.

Jose Mourinho amekanusha taarifa hizo baada ya kuulizwa na waandishi wa habari katika mkutano maalum ambao ulikua unazungumzia maandalizi ya mchezo wa ligi ya mabingwa barani Ulaya hatua ya robo fainali ambapo usiku wa hii leo Chelsea watakua jijini Paris wakijaribu kutengeneza mazingira ya kuandaa njia ya kupenya na kuelekea katika hatua ya nusu fainali dhidi ya PSG.

Jose Mourinho, amesema hakuwahi kuwa na ugomvi na mshambuliaji huyo kama inavyoripotiwa katika baadhi ya vyombo vya habari ambapo inaelezwa wawili hao walikorofishana wakati wakiwa kwenye klabu ya Inter Milan ya nchini Italia.

Mourinho, amesema mengi yalizungumzwa juu ya mahusiano kati yake na Zlatan Ibrahimovic, ambapo baadhi ya waandishi wa habari walidai yeye kama meneja alikuwa chanzo cha mshambuliaji huyo kuondoka Inter Milan na kujiunga na FC Barcelona, kitu ambacho amekipinga.

Wakati huo huo mshambuliaji kutoka nchini Sweden Zlatan Ibrahimovic ameonyesha kuridhishwa na maisha anayoishi huko jijini Paris baada ya kusajiliwa na klabu tajiri jijini humo PSG mwaka 2012 akitokea AC Milan ya nchini Italia.

Zlatan Ibrahimovic, ameonyesha kuridhishwa na maisha ya jijini humo kwa kusema huenda ikawa vigumu kwake kuamua kuondoka kwenye klabu hiyo siku za usoni licha ya kuhusishwa na mipango ya kutaka kumalizia soka lake nchini Uingereza.

Amesema bado hajafanya maamuzi sahihi ya kufikiria ni wapi atakapomalizia soka lake, lakini ukweli ni kwamba anaendelea kufurahishwa na mwenendo mzuri wa klabu yake ya PSG ambayo imedhamiria kuleta mapinduzi ya soka barani Ulaya.

Chelsea wanajiandaa kucheza mchezo wa ligi ya mabingwa barani Ulaya hatua ya robo fainali dhidi ya PSG baada ya kuwachomoa kwenye michuano hiyo mabingwa wa soka wa nchini Uturuki Galatasaray, ili hali matajiri wa jijini Paris walifanikiwa kuingia katika hatua hiyo kwa kuwafunga Schalke 04.

Share on Google Plus

About Unknown

This is a short description in the author block about the author. You edit it by entering text in the "Biographical Info" field in the user admin panel.