SERIKALI YA KAZAKHSTAN YAJIUZULU

Waziri Mkuu wa Kazakhstan aliyejiuzulu, Serik Akhmetov.

Waziri Mkuu wa Kazakhstan, Serik Akhmetov amejiuzulu yeye pamoja na serikali yake yote.

Akhmetov aliliambia baraza la mawaziri kuwa Rais wa nchi hiyo Nursultan Nazarbayev amempa Baraka zote katika uamuzi wake huo.

Hakuna sababu maalumu iliyotolewa juu ya hatua hiyo, lakini Rais Nazarbayev ana nguvu kubwa ya kubadilisha mawaziri wakuu kwa kadiri apendavyo.

Idara ya habari katika ofisi ya ikulu imetoa taarifa katika mtandao wa Twitter kuwa kiongozi wa nchi huyo ameshampendekeza aliyewahi kuwa waziri mkuu wa nchi hiyo Karim Masimov kuchukua tena wadhifa huo.

Kwa mujibu wa katiba ya nchi hiyo, Waziri Mkuu anapojiuzulu hulifanya baraza lote la mawaziri kuvunjika.

Akhmetov mwenye umri wa miaka 55, aliwahi kufanya kazi katika sekta ya chuma ya nchi hiyo kabla ya kuteuliwa kuwa naibu meya wa mji mkuu wa nchi hiyo, Astana.

Alishika nyadhifa mbalimbali serikalini na hatimaye mwaka 2012 aliteuliwa kuwa waziri mkuu wa nchi hiyo akimrithi Masimov, ambaye aliutumikia wadhifa huo kwa muda wa miaka 5.

Kazakhstan inapatikana katika eneo la katikati mwa bara la Asia na ni mzalishaji mkubwa wa mafuta duniani.

Share on Google Plus

About Unknown

This is a short description in the author block about the author. You edit it by entering text in the "Biographical Info" field in the user admin panel.