MIAMBA YA LIGI YA NBA YAENDELEA KUTUNISHIANA MISULI

 

Suns 94, Pelicans 88

Kazi kubwa iliyofanywa na walinzi wa timu ya Phoenix Suns katika mchezo wa ligi ya mpira wa kikapu ya nchini Marekani (NBA) Gerald Green pamoja na Goran Dragic iliisaisdia timu hiyo kujiongezea point 41 miongoni mwa point 94 ambazo ziliwatoa nishai New Orleans Pelicans.

Mchezo huo ambao umechezwa mishale ya alfajiri kwa saa Afrika mashariki ulishuhudia Eric Bledsoe akifunga point 16 pekee yake katika kipindi cha pili cha mchezo huo, na kuibua matumaini ya ushindi ambao wameupata.

Ushindi huo umewaweka Phoenix Suns katika mazingira mazuri ya kucheza hatua ya mtoano kwenye ligi hiyo, huku wakiwa mbele kwa mchezo mmoja dhidi ya Memphis

- - -

Grizzlies 107, Heat 102

Grizzlies walipata nguvu ya kutosha kutokana na uwezo binafsi ulionyesha na baadhi ya wachezaji wao Zach Randolph, Mike Conley pamoja na Marc Gasol ambao kwa pamoja waliifungua timu hiyo point 71 katika mchezo dhidi ya Miami Heat.

Katika mchezo huo wachezaji hao watatu walifanikiwa kucheza mipira iliyokua inarudi (rebounds) 28 na hivyo kuifanya Memphis kuendeleza matumaini ya kucheza hatua ya mtoano.

Mshambulaiji wa Miami LeBron James alifanikiwa kufunga point 37 ambazo hata hivyo hazikuweza kuisaidia timu yake kupata ushindi, japo kuna wakati aliiweka mbele kwa kuongoza point 53-25.

- - -

Pacers 104, Bucks 102

Chris Copeland alifanikiwa kufunga point 18 ambazo ziliisaidia timu yake ya Indiana Pacers kuibuka na ushindi wa point 104-102 dhidi ya Milwaukee Bucks.

Indiana walipata ushindi katika mchezo huo, ikiwa kama faraja kwao, baada ya kupoteza michezo miwili mfululizo, ambayo ilishuhudiwa wakicheza bila wachezaji wao watano muhimu.

Ushindi huo ulipatikana baada ya Indiana Pacers kuongoza kwa point 54-25 hali ambayo iliongeza morari kwa wachezaji wa timu hiyo kuwa mbele mpaka mwishoni mwa mchezo huo.

- - -

Hawks 105, Celtics 97

The Atlanta Hawks walifanikiwa kutoka nyuma kwa point tisa na kushinda mchezo huu, dhidi ya wapinzani wao Boston Celtics ambao walionekana kucheza vyema zaidi katika kipindi cha kwanza.

Jeff Teague aliweka rekodi ya kufunga point 19 huku akisaidia kutoa pasi mara nane ambazo zilimpa nafasi, Kyle Korver kufunga point 17 hali  ambayo imeipa ahuweni timu ya Atlanta Hawks kusogea katika nafasi ya nane katika msiamo wa ligi ya NBA ukanda wa mashariki.

Kufuatia hali hiyo Atlanta Hawks itawalazimu kuendeleza wembe wa ushindi katika michezo yao miwiwli inayofuata dhidi ya Nets Brooklyn pamoja na Miami Heat ili wakamilishe azma yao ya kutinga katika michezo ya hatua ya mtoano.

- - -

Nuggets 123, Rockets 116

Randy Foye amefanikiwa kufunga point 30 huku akisaidia kutoa pasi zilizo zalisha point nyingine 22 zilizofungwa na Kenneth Faried na kuifanya Denver Nuggets kuizamisha Houston Rockets.

Kwa upande wa Houston Rockets, Jeremy Lin alifanikiwa kufunga point 18 akifuatiwa na Chandler Parsons aliyefunga point 16 ambapo hata hivyo haikuisadia timu hiyo kuendeleza wimbi la ushindi kama ilivyokuwa katika michezo mitatu iliyopita.

- - -

Bobcats 94, Wizards 88

Al Jefferson alifunga point 20 ambapo kati ya point hizo 18 ziliotokana na mipira iliyokua inarudi huku Kemba Walker akifunga point 17 ambazo ziliwaongezea morari Charlotte Bobcats kuwaangusha Washington Wizards katika mchezo wao watano kushinda mfululilizo.

Gary Neal alifanikiwa kuifungia Wizards point 16 wakati Bobcats wakiongoza kwa point 40-38.

Matokeo ya michezo mingine iliyochezwa alfajiri ya hii leo kwa saa za Afrika mashariki ni kwamba:

Bulls 102, Timberwolves 87

Magic 115, Nets 111

Cavaliers 122, Pistons 100

Raptors 125, 76ers 114

Share on Google Plus

About Unknown

This is a short description in the author block about the author. You edit it by entering text in the "Biographical Info" field in the user admin panel.