HAMTUTENDEI HAKI KUTUTOA KWENYE UBINGWA - LUKA MODRIC

Luka Modric

Kiungo kutoka nchini Croatia Luka Modric, amepingana na wadau wa soka wanaoibeza klabu ya Real Madrid kwa kuinyima nafasi ya kutwaa ubingwa wa michuano yoyote msimu huu kwa kigezo cha kupoteza muelekea kwenye ligi ya nchini Hispania ndani ya majuma mawili yaliyopita.

Luka Modric, ambae hii leo anatarajiwa kuwa sehemu ya kikosi cha Real Madrid ambacho kitapambana na Borrusia Dortmund katika michuano ya ligi ya mabingwa barani Ulaya hatua ya robo fainali huko Estadio Santiago Bernabeu,  amesema hali ya kuyumba kwao katika ligi sio kigezo tosha cha kuwanyima nafasi ya kufanya vyema.

Amesema kuyumba katika soka ni jambo la kawaida lakini wao kama wahusika wa klabu ya Real Madrid wanajua ni wapi walipotereza na sasa wanajipanga kuhakikisha wanamaliza msimu wakiwa na taji lolote la michuano ambayo bado wanashiriki mpaka hivi sasa.

Nae meneja wa klabu ya Real Madrid Carlo Ancelotti, amewataka waandishi wa habari kufikiria na michezo mingine ya ligi ya mabingwa barani Ulaya hatua ya robo fainali, na si kuutazama kwa urefu na mapana mchezo wao dhidi ya Borussia Dortmund utakaochezwa usiku wa hii leo.

Amesema pamoja na vyombo vya habari kuutazama mchezo wao pekee kwa uzito mkubwa bado wachezaji wake wapo katika hali ya kujiamini huku wakiwa na matumaini makubwa ya kutaka kufanya vyema kabla ya mchezo wa mkondo wa pili ambao utachezwa nchini Ujerumani juma lijalo.

Share on Google Plus

About Unknown

This is a short description in the author block about the author. You edit it by entering text in the "Biographical Info" field in the user admin panel.