ASKARI 12 WA UGANDA WAUAWA NCHINI SOMALIA

Jeshi la Uganda limesema kuwa askari wake 12 waliuawa na wanamgambo wa al-Shabaab katika shambulizi ya kuvizia siku ya Jumapili kusini mwa Somalia.

Wizara ya Ulinzi ya Uganda imesema katika taarifa yake leo kuwa askari wengine wanane walijeruhiwa katika shambulizi hilo lililotokea katika mkoa wa Sabelle ya chini.

Vikosi vya Uganda viko nchini Somalia kama walinda amani chini ya mwavuli wa Umoja wa Afrika. Mamlaka za Uganda zinasema kuwa shambulizi hilo lilitokea wakati wakifanya doria ya pamoja na vikosi vya Kisomali.

Mpaka sasa hakuna kauli yoyote kuhusu vifo kwa upande wa askari wa Somalia.

Al-Shabaab wanadai kuwa waliua askari 39.

Shambulizi hilo lilitokea saa chache baada ya bomu lililolipuka mjini Mogadishu na kuua watu wasiopungua watu watano, wengi wao wakiwa raia, na hivyo kuondosha hali ya utulivu iliyodumu kwa muda wa mwezi mmoja katika mji huo.

Share on Google Plus

About Unknown

This is a short description in the author block about the author. You edit it by entering text in the "Biographical Info" field in the user admin panel.