MARIO BALOTELLI AZUNGUMZIA KURUDI EPL NA KUWEKA WAZI TIMU ANAZOZIPENDA

 

Mario Balotelli amekiri kuwa anafikiria siku moja kurudi kwenye Ligi Kuu ya Uingereza… lakini sio katika klabu yake ya zamani ya Liverpool.

Mshambuliaji huyo wa Italia – ambaye sasa hivi anafurahia kufanya vizuri katika klabu yake ya Nice ya Ufaransa – aliwaelezea Liverpool kuwa ni timu “nzuri” lakini akatupilia mbali uwezekano wa kurudi kwenye timu hiyo.

Wakati akieleza kuwa pendeleo lake la kwanza nchini Uingereza ni Manchester City, hakuficha pia upendo wake kwa Arsenal.

"Nikirudi Uingereza bila shaka sitaenda Liverpool," Balotelli aliliambia shirika la habari la Uchina, Xinhua.

"Kwa sababu nilijikuta nikifanya vibaya sana nilipokuwa Liverpool. Timu ilikuwa nzuri na mashabiki walikuwa wazuri sana, lakini kamwe siwezi kurudi Liverpool.

"Timu ya kwanza kabisa ninayoiwazia huko Uingereza ni Manchester City, na nyingine ambayo nimekuwa na mapenzi nayo ni Arsenal. Haimaanishi kuwa nitaenda kucheza huko. Ninazipenda tu.”

Share on Google Plus

About Unknown

This is a short description in the author block about the author. You edit it by entering text in the "Biographical Info" field in the user admin panel.