ADAMA BARROW: GAMBIA HAITAJIONDOA ICC

Rais Mteule wa Gambia, Adama Barrow

Gambia haitajiondoa katika Mahakama ya Kimataifa ya Uhalifu (ICC), hayo ni kwa mujibu wa Rais mteule wa taifa hilo Adama Barrow, ambaye amesisitiza kuwa ICC ni chachu ya utawala bora na huo ndio msingi wa utawala wake.

Katika mahojiano maalumu na Shirika la Habari la Ujerumani (DW), Barrow amesema kuwa “hatuna haja ya kuondoka ICC”.

“Tutarudi kwenye Jumuiya ya Madola na tutakuwa sehemu ya mashirika yote ya kimataifa,” DW imemnukuu Bwana Barrow.

“Mara tu baada ya kuingia madarakani rasmi, tutafanya uchunguzi wa mambo mengi yaliyofanyika nchini.”

Chini ya utawala wa Rais Yahya Jamme, Gambia iliutaarifu Umoja wa Mataifa kuwa itajiondoa ICC, na kuwa nchi ya tatu ya Kiafrika kutoa taarifa rasmi ya kujiondoa.

Vilevile Afrika Kusini na Burundi zilipuuza wito wa Katibu Mkuu wa Umoja wa Mataifa, Ban Ki-moon, ambaye aliziomba kurejelea uamuzi wao na zimetuma barua kuthibitisha kuwa zinaondoka ICC.

Uamuzi wa Banjul kujiondoa kwenye mahakama hiyo ulikuwa pigo binafsi dhidi ya mwendesha mashitaka mkuu wa mahakama hiyo Fatou Bensouda, ambaye ni raia wa Gambia na Waziri wa zamani wa sheria wa nchi hiyo.

Waziri wa Habari wa Gambia, Sheriff Bojang, aliituhumu ICC kuwa imekuwa ikiwaandama Waafrika na hasa viongozi wao huku ikifumbia macho uhalifu unaofanywa na nchi za Magharibi.

Bwana Barrow alimshinda Jammeh katika uchaguzi uliofanyika Desemba 1, na kuhitimisha utawala wake wa miaka 22.

Share on Google Plus

About Unknown

This is a short description in the author block about the author. You edit it by entering text in the "Biographical Info" field in the user admin panel.