WATU 16 WAUAWA NA MAELFU KUKIMBIA MAKAZI JAMHURI YA AFRIKA YA KATI

A woman carries a jerrycan among tents in the newly-formed camp for internally displaced persons in Kaga Bandoro in the northern Central African Republic, October 19, 2016. (Photo by AFP)

Mwanamke akiwa amebeba dumu katika kambi ya wakimbizi wa ndani iliyowekwa katika Kaga Bandoro kaskazini mwa mji mkuu wa Jamhuri ya Afrika ya Kati Oktoba 19, 2016.

Kwa uchache watu 16 wamepoteza maisha na maelfu ya raia kuyakimbia makazi yao katika Jamhuri ya Afrika ya Kati wakati wa makabiliano kati ya makundi mawili ya waasi yanayohasimiana nchini humo, Umoja wa Mataifa umesema.

Umoja wa kulinda amani nchini humo, MINUSCA, umetoa tangazo hilo na kuongeza kuwa awamu hiyo mpya ya ghasia ililipuka siku mbili zilizopita kati ya pande mbili hasimu ndani ya kundi la waasi wa Seleka katika mji wa Bria, kiasi cha kilometa 400 kaskazini mashariki mwa mji mkuu, Bangui.

Pande hizo mbili zilipambana katika kugombea udhibiti wa ushuru kutokakwa kabila la wafugaji la Fulani linalohamahama.

Mwezi Machi 2013, Jamhuri ya Afrika ya Kati ilitumbukia katika machafuko baada ya rais wa wakati huo Francois Bozize kuondolewa madarakani na muungano wa waasi wa Seleka na hatamu za madaraka kushikiliwa na Michel Am-Nondokro Djotodia, Muislamu wa kwanza kuwa rais katika taifa hilo lenye Wakristo wengi.

Hata hivyo, mapinduzi hayo yalichochea mfululizo wa mshambulizi ya kulipiza kisasi kati ya waasi wa Seleka na waasi wa Kikristo lililojulikana kama anti-balaka, ambao walifanya mashambulizi makubwa dhidi ya Waislamu wachache nchini humo.

Mtu mmoja kati ya watu 10 wa nchi hiyo yenye raia milioni 4.5 alilazimishwa kukimbiliakwenye maeneo yenye usalama baada ya taifa hilo kutumbukia katika ghasia za kikabila na kidini. Maelfu ya watu waliyakimbia makazi yao katika taifa hilo lenye utajiri wa maliasili.

Mwaka 2014, kiasi cha walinda amani 11,000 walitumwa na Umoja wa Mataifa nchini humo kama sehemu ya kikosi cha MINUSCA.

Mnamo Julai 23, 2014, wawakilishi wa makundi ya Seleka na anti-balaka walisaini makubaliano ya kusitisha mapigano katika mji mkuu wa Congo, Brazzaville, lakini nchi hiyo bado haijajikwamua kikamilifu kutoka kwenye athari za ghasia hizo.

Kupata habari kwa njia ya WhatsApp wasiliana nasi kupitia: +255 712 566 595

About Unknown

This is a short description in the author block about the author. You edit it by entering text in the "Biographical Info" field in the user admin panel.