SAMUEL ETO’O ANAKABILIWA NA KIFUNGO CHA MIAKA 10 GEREZANI

Samuel Eto’o alipomuoa Georgette Tra Lou

Nyota wa klabu ya Antalyaspor ya nchini Uturuki, Samuel Eto’o, anakabiliwa na kifungo kisichopungua miaka 10 jela na kitita cha faini kipatacho €14m kwa makosa ya ukwepaji wa kodi aliyoyafanya alipokuwa akicheza soka nchini Hispania.

Kwa mujibu wa gazeti la El Pais la nchini Hispania, mkongwe huyo raia wa Cameroon alifanya makosa hayo kuanzia mwaka 2006 mpaka 2009 alipokuwa akichezea klabu ya Barcelona, na aliweza kukwepa kulipa kodi ya euro milioni 3.5 kupitia mfumo haramu wa haki zake za matangazo uliotengenezwa kiustadi.

Kwa mujibu wa ripoti hiyo, Eto’o mwenye umri wa miaka 35, alianzisha makampuni mawili, moja nchini Hispania iitwayo Bulte aliyoifungua mwaka 2002 na nyingine nchini Hungary iitwayo Tradesport ambayo yalimuwezesha kuhamisha kijanja haki zake za matangazo na kukwepa kulipa kodi. Pia kupitia muundo wa kampuni hiyo, anatuhumiwa kukwepa kulipa kodi kwa kiasi kikubwa cha pesa (karibu euro milioni 1.5 na 3 kwa msimu) alichokipokea kutokana na udhamini wa kampuni kubwa ya vifaa vya michezo ya Puma.

Waendesha mashitaka wa Hispania wanataka Eto’o apigwe faini ya karibu £12m (‎€14m).

Source: http://ameyawdebrah.com/

Kupata habari na taarifa mbalimbali kupitia WhatsApp: +255 712 566 595

About Unknown

This is a short description in the author block about the author. You edit it by entering text in the "Biographical Info" field in the user admin panel.