MALIPUKO WAUA KADHAA NCHINI PAKISTAN

Askari wa Pakistan wakiwa wameuzingira mtaa unaoelekea kwenye eneo palipotokea shambulizi la bomu kwenye viunga vya mji wa Peshawar Septemba 2, 2016.

Kwa uchache watu 10 wamepoteza maisha na wengine zaidi ya 50 wamejeruhiwa baada ya mabomu mawili kulipuka nje ya mahakama moja ya wilaya katika jimbo la Khyber Pakhtunkhwa kaskazini magharibi mwa Pakistan, vyombo vya habari vimeripoti.

“Kwanza kulikuwa na mlipuko mdogo uliofuatiwa na mlipuko mkubwa” leo asubuhi nje ya mahakama iliyopo kwenye kitongoji cha Wakristo karibu na Bwawa la Warsak katika mkoa wa Khyber, kilometa 20 (maili 12) kaskazini magharibi mwa Mji wa Peshawar, afisa wa uokoaji katika eneo hilo, Haris Habib, amesema.

Muda mfupi baadaye, kundi la wanamgambo la Jamaat-ul-Ahrar lenye mafungamano na kundi la Taliban la nchini Pakistan lilidai kuhusika na shambulizi hilo.

Msemaji wa Taliban,  Ehsanullah Ehsan, amesema kuwa kulikuwa na “vifo kadhaa” katika  shambulizi hilo.

(Habari itaendelea........)

Share on Google Plus

About Unknown

This is a short description in the author block about the author. You edit it by entering text in the "Biographical Info" field in the user admin panel.