SUDAN KUSINI KATIKA WIMBI JIPYA LA MAPIGANO MAKALI

Mawimbi mapya ya mapigano yameikumba Sudan Kusini tangu Jumamosi baada ya vikosi vinavyomtii Rais Salva Kiir na vile vya upinzani kupambana kusini magharibi mwa mji mkuu, Juba.

Matukio haya mapya yanafuatia mapigano mazito ya siku tano yaliyoikumba Juba mwezi uliopita na kuua watu 300 huku maelfu wakiyakimbia makazi yao.

Shirika la habari la Reuters linaripoti kuwa mapigano mazito yalilipuka karibu na eneo la Yei, lililopo kwenye barabara inayoiunganisha Juba na nchi jirani ya Uganda.

Mnamo Ijumaa, Baraza la Usalama la Umoja wa Mataifa liliidhinisha upelekaji wa kikosi maalum cha askari 4,000 nchini humo, ingawa serikali ya Juba imendelea kushikilia msimamo wa kutohitaji askari wa kigeni.

Umoja wa Mataifa umetishia kuiwekea serikali ya Juba vikwazo vya silaha iwapo itashindwa kutoa ushirikiano.

UNGANA NASI KATIKA WHATSAPP: +255 712 566 595

Share on Google Plus

About Unknown

This is a short description in the author block about the author. You edit it by entering text in the "Biographical Info" field in the user admin panel.