MAGUFULI AWAPA SIKU 7 WAFANYABIASHARA WAKWEPA KODI KUJISALIMISHA

Dkt John Magufuli akiongea na wafanyabiashara kwenye mkutano uliofanyika Alhamis hii ikulu jijini Dar es Salaam (Picha: Michuzi)

Mkutano wa leo kati ya Rais Dkt John Magufuli na wafanyabiashara nchini kwenye ikulu ya Dar es Salaam haukuwa wa kunywa chai na cocktail bali wenye maelekezo muhimu na mazito.

Katika mkutano huo, Magufuli ametoa siku saba, kuanzia leo kwa wafanyabiashara wote walioingiza bidhaa nchini bila kulipa ushuru wakajisalimishe na kulipa.

Mkutano huo umehudhuriwa na wawakilishi wa Tanzania Private Sector Foundation wakiongozwa na Mwenyekiti Dk. Reginald Mengi, CEOs Round Table wakiongozwa na Mwenyekiti, Ali Mfuruki na baraza la biashara Taifa, TNBC.

Hatua hiyo imekuja kufuatia hatua kali zilizoanza kuchukuliwa dhidi ya ukwepaji kodi unaofanywa na wafanyabiashara wakubwa.

Hivi karibuni Magufuli alimsimamisha kazi kamishna mkuu wa TRA, Rished Bade kufuatia kupotea kwa makontena zaidi ya 300 kwenye bandari ya Dar es Salaam.

About Unknown

This is a short description in the author block about the author. You edit it by entering text in the "Biographical Info" field in the user admin panel.