KICHAPO CHA SSC NAPOLI CHA MABAO MAWILI CHAMCHANGANYA BUFFON

Mlinda mlango wa vinara wa ligi ya nchini Italia Juventus, Gianluigi Buffon, amesema kukubali kupoteaa mchezo dhidi ya Napoli imekua ni pigo kubwa sana kwao, katika mbio za kutetea ubingwa wa Scudeto kutokana na milango ya kuwania ubingwa huo kunguka tena kwa mahasimu wao AS Roma ambao wanashika nafasi ya pili kwenye msimamo wa ligi ya Sirie A.

Gianluigi Buffon, ambae jana alikua langoni mwa Juventus na kuruhusu kufungwa mabao mawili yaliyopachikwa wavuni na Jose Callejon pamoja na Marik Hamsik amesema hawana budi kujilaumu wenywe kwa kushindwa kusaka ushindi katika mchezo huo ambapo hata hivyo amekiri ulikuwa mgumu kwao.

Buffon ambae pia ni mlinda mlango namba moja wa timu ya taifa ya Italia, amesema kwa hakika Napoli walionyesha mchezo mzuri kuliko Juventus na walistahili kupata ushindi kama ilivyoonekana katika uwanja wa San Paolo hiyo jana.

Amesema kila mmoja hakuamini kilichotokea uwanjani hapo, kufuatia ubora waliokua nao kabla ya mchezo huo, lakini kwa sasa hawana budi kujipanga upya kwa ajili ya kukabiliana na upinzani mkali kutoka kwa AS Roma ambao wamewaacha kwa point 11.

Hata hivyo mlinda mlango huyo mwenye umri wa miaka 36, amesema pengo la point 11 huenda mashabiki wao wanaliona ni kubwa, lakini kwake haamini hivyo kutokana na soka kuwa na matokeo tofauti kila kukicha, hivyo amewataka waamini kama anavyoamini yeye.

“ Tulistahili kufungwa kutokana na kiwango duni tulichokionyesha, lakini kufungwa kwetu pia kumetoa nafasi kubwa kwa AS Roma kuendelea kutukariba katika msimamo wa ligi na hakuna njia mbadala zaidi ya kuhakikisha tunashinda mchezo wetu ujao” Alisema Gianluigi Buffon.

“Kwa hakika sikushangazwa na matokeo hayo ya kufungwa mabao mawili kwa sifuri, kwani tulijiamini kupita kiasi, kutokana na mwenendo wetu mzuri tuliokuwa nao kabla ya kuja hapa Stadio San Paolo, lakini tumejifunza kutokana na makosa yetu wenyewe, hivyo hatuna budi kucheza kikamilifu kwa kuhakikisha tunashinda kila mchezo unaotukabili” Aliongeza kipa huyo ambae ameshaidakia timu ya taifa ya Italia katika michezo 139.

Kufungwa katika mchezo wa jana, kunaifanya Juventus kumaliza ubabe wa kucheza michezo 22 bila kufungwa msimu huu, na mchezo dhidi ya Napoli unakua mchezo wao wa pili kufungwa, baada ya kupoteza mchezo wa kwanza dhidi ya Fiorentina ambao waliibuka na ushindi wa mabao manne kwa mawili Oktoba 20 mwaka jana.

Juventus kwa sasa wanajiandaa na mchezo ujao ambapo kati kati ya juma hiili watacheza dhidi ya Olympique Lyonnais kutoka nchini Ufaransa katika mchezo wa mkondo wa kwanza hatua ya robo fainali ya michuano ya ligi ya barani Ulaya.

About Unknown

This is a short description in the author block about the author. You edit it by entering text in the "Biographical Info" field in the user admin panel.