RIPOTI: ANGOLA YAZIDI KUANDAMWA KWA KUUPIGA MARUFUKU UISLAMU

Picha iliyopigwa Novemba 1, 2013, ikionesha mabaki ya msikiti katika manispaa ya Viana, katika mji mkuu wa Angola, Luanda

Serikali ya Angola imekosolewa vikali na wanaharakati wa haki za binadamu kufuatia ripoti kwamba imeipiga marufuku dini ya Kiislamu.

Kwa mujibu wa ripoti moja iliyochapishwa na gazeti la the Guardian jana alhamisi, taasisi ya Islamic Communiti of Angola (ICA) imesema kuwa misikiti 8 imebomolewa tokea mwaka 2011, na kuongeza kuwa mtu anayeutekeleza Uislamu anakabiliwa na hatari ya kukutwa na hatia ya kukiuka sheria za Angola.

“Kutokana na nilivyosikia, Angola ndio nchi ya kwanza duniani ambayo imeamua kuupiga marufuku Uislamu,” alisema mkurugenze wa shirika la Open Society Initiative of Southern Africa (OSISA) nchini humo, Elias Isaac.

“Huu ni wendawazimu. Serikali imeshindwa kuvumilia uwepo wa mirengo mbalimbali.”

Mwezi Oktoba, Wizara ya Sheria nchini humo iliyakataa maombi ya usajili wa Jumuiya ya Waislamu nchini humo.

Kwa mujibu wa sheria ya Angola, taasisi, jumuiya au kundi lolote la kidini linatakiwa kuwa na wanachama wasiopungua 100,000 na lazima iwepo katika mikoa 12 kati ya 18 ili iweze kupata usajili wa kisheria unaoiwezesha kupata haki ya kujenga shule na nyumba za ibada.

Angola inakadiriwa kuwa na Waislamu 90,000 kati ya raia milioni 18 wa nchi hiyo.

Rais wa Jumuiya hiyo ya ICA (Islamic Community of Angola) Dawoud Ja, alisema jana kuwa kuna misikiti isiyopungua 80 nchini Angola ambayo imefungwa au kuvunjwa kwa sababu haina vibali, isipokuwa kwa misikiti iliyopo katika mji mkuu wa nchi hiyo, Luanda.

“Misikiti mjini Luanda ilitakiwa kufungwa jana lakini kwa sababu ya kelele zilizlopigwa ulimwenguni kote kuwa Angola imeupiga marufuku Uislamu, serikali iliamua kucha,” alisema Dawoud.

Dawoud aliongeza kuwa serikali ya Angola ilianza kufunga misikiti miaka mitatu iliyopita, ukiwemo ule uliochomwa moto katika mkoa wa Huambo.

Anasema kuwa msikiti mwingine ulibomolewa mjini Luanda na nakala 120 kuchomwa moto, na Waislamu wametakiwa kuivunja misikiti wao wenyewe.

“Huwa wanatuletea barua ya kututaka kuvunja jengo husika na ndani ya saa 73. Inaposhindikana kufanya hivyo mamlaka za serikali yenyewe zinakuja kutekeleza swala hilo.”

Vilevile, rais huyo wa ICA anasema kuwa wanawake wa Kiislamu wanaovaa niqab(kitambaa cha kuficha uso) hupata madhila nchini Angola.

“Kwa hali ilivyo, wanawake wengi wa Kiislamu wanaogopa kuvaa hijabu na niqab. Mwanamke mmoja alishambuliwa hospitalini mjini Luanda kwa kuvaa niqab, na katika tukio lingine, binti wa Kiislamu alipigwa na kuambiwa aondoke nchini kwa sababu alikuwa amevaa hijabu,” anasema Dawoud Ja.

KAULI YA SERIKALI

Maafisa wa serikali wanadai kuwa ripoti zilizotolewa na vyombo vya habari kuhusu kuupiga marufu Uislamu zimetiwa chumvi na kwamba hakuna nyumba za ibada zilizolengwa nchini humo.

“Angola hakuna vita dhidi ya Uislamu au dini nyingine yoyote ile,” mkurugenzi wa masuala ya dini kwenye Wizara ya Utamaduni ya nchi hiyo, Manuel Fernando, alisema na kuongeza kuwa, “hakuna agizo la serikali linaloagiza kubomolewa au kufungwa kwa maeneo ya ibada ya aina yoyote ile.”

MWANAHARAKATI ATHIBITISHA

Hata hivyo, mwanaharakati na mwandishi wa habari za uchunguzi nchini Angola,  Rafael Marques de Morais, amethibitisha madai yaliyotolewa na ICA (Islamic Community of Angola) kuwa ni madai ya kweli. “Nimeliona agizo linalosema kuwa Waislamu wabomoe misikiti wao wenyewe waondoa vifusi, la sivyo watatozwa gharama ya uvunjanji.”

CHANZO: Press Tv

Share on Google Plus

About Unknown

This is a short description in the author block about the author. You edit it by entering text in the "Biographical Info" field in the user admin panel.