 |
| Bwana Dickson Ogwang |
Naibu Balozi wa Uganda nchini Marekani ametimuliwa na
Wizara ya Mashauri ya Kigeni ya nchi hiyo kwa kudaiwa kumpiga mkewe.
Waziri wa nchi anayehusika na Mashauri ya Kigeni wa
Uganda, Bwana Okello Oryem, amethibitisha taarifa kuwa bwana Dickson Ogwang alitakiwa
mara moja kufungasha virago vyake na kurudi nchini mwake.
“Atakapofika, tutamkalisha chini yeye na mkewe ili jambo
kama hilo lisitokee tena,” alisema Oryem.
Mtandao wa Daily Monitor wa nchini humo, uliripoti
kwamba Bwana Ogwang aliandaa karamu kwenye makazi yake na kuwaalika wageni
mbalimbali akiwemo mwanamke mmoja ambaye alikuwa na uhusiano naye wa kimapenzi.
Mtandao huo unasema kuwa mke wa Ogwang alielezea
wasiwasi wake kuhusu mwanamke huyo baada ya wageni kuondoka, akaambulia kipigo.
Pua ya mke wa Ogwang ilijeruhiwa katika tukio hilo.
Alipotoa taarifa ya tukio hilo polisi likaibuka kuwa suala
kubwa la kidiplomasia baada ya mamlaka mjini Washington kutaka bwana huyo
afunguliwe mashitaka.
0 comments:
Post a Comment