SHAMBULIZI LA SINAI: ASKARI KADHAA WAUAWA

Mwanajeshi wa Misri

Zaidi ya askari ishirini wa Misri wameuawa na kujeruhiwa katika mashambulizi yaliyofanywa kwenye vizuizi viwili vya usalama katika eneo la Rasi ya Sinai.

Kwa mujibu wa duru za kiusalama nchini humo, washambuliaji hao waliyalipua magari yao yalikuwa na vilipuzi wakati walipokaribia kwenye vizuizi hivyo katika mji wa mpakani wa Rafah kaskazini mwa Sinai.

Wakati huo huo, jeshi la nchi hiyo limesema kuwa askari 26, akiwemo mmoja mwenye cheo cha kanali, waliuawa au kujeruhiwa katika mashambulizi hayo mawili, bila kutoa idadi kamili.

Hata hivyo, mashirika ya habari yamelezea idadi ya waliokufa kuwa ni 10, kwa mujibu wa duru mbalimbali.

Kwa mujibu wa shirika la habari la Associated Press, shambulizi moja lilifuatiwa na milio ya risasi kutoka kwa wanamgambo waliofunika nyuso zao ambao walikuwa wakitembea.

Jeshi la Misri limesema kuwa vikosi vyake vimewaua wanamgambo wasiopungua 40 na kuharibu magari yao 6 katika operesheni iliyofuatia mashambulizi hayo.

Hakuna kundi lililodai kuhusika na mashambulizi hayo ya huko Sinai ambayo ni ngome ya kundi moja lenye mafungamano na kundi la Dola la Kiislamu (Daesh).

Mashambulizi ya wanamgambo yameua mamia ya wanajeshi na polisi katika eneo hilo la jangwa kubwa tangu mwaka 2013. Hivi karibuni tu, chanzo kimoja cha usalama kilisema kuwa Daesh walitega bomu huko Sinai lililoua polisi watatu.

Kundi lenye mafungamano na Daesh lijulikanalo kama Wilayat Sinai, limekuwa pia likiwashashambulia Wakristo wa jamii ya Wakhufiti (Coptic). Zaidi ya Wakhufiti 100 wameshauawa katika mashambulizi hayo tangu Desemba mwaka jana.

Siku ya Jumanne bunge la nchi hiyo liliridhia uamuzi wa Rais Abdel Fattah el-Sisi wa kuongeza hali ya dharura nchini kote kwa muda wa miezi mitatu zaidi katika juhudi za kukabiliana na ugaidi katika eneo la Sinai.

Share on Google Plus

About Unknown

This is a short description in the author block about the author. You edit it by entering text in the "Biographical Info" field in the user admin panel.