NANI ANAYEFIKIRIA ZAIDI TENDO LA NDOA?

Taarifa na data mpya za kiutafiti kuhusu anayefikiria na kuwaza zaidi kuhusu tendo la ndoa kati ya mwanamke na mwanaume, zimeonesha kuwa wanaume huwaza tendo mara 34 ndani ya saa 24, huku wanawake wakiwaza tendo mara 18.

Utafiti uliochapishwa katika gazeti la Daily Star la Uingereza, umebaini kuwa wanawake hufikiria tendo kila baada ya dakika 51 kwa siku, huku suala la tendo likizisumbua akili za wanaume kila baada dakika 28 ambayo ni mara mbili zaidi ya wanawake.

Tofauti ipo wazi, na kwa kuwa data hizi ni kiwango cha kawaida kilichofanywa kwa kundi kubwa la watu, baadhi ya watu wanaweza kuwaza tendo kwa kiwango kikubwa zaidi ya hicho kilichotajwa au kwa kiwango kidogo zaidi. Imebainika kuwa wanawake huwaza tendo mara 18.6 kwa siku yaani mara moja ndani ya dakika 51 ukiondoa muda ambao wanakuwa wamelala, huku wanaume wakiwaza tendo mara 34.2 kwa siku ambayo ni sawa na mara moja ndani ya dakika 28.

Utafiti huo umeongeza kuwa wanawake wanafikiria kuhusu chakula mara 15.3 kwa siku ambayo ni sawa na mara moja kila baada ya dakika 62, wanawaza kuhusu usingizi mara 13.4 kwa siku ambayo ni sawa na mara moja kila baada ya dakika 72. Aidha, imeonekana kuwa wanaume hufikiria kuhusu chakula mara 25.1 kwa siku ambayo ni sawa na mara moja kwa dakika 38, huku wakiwaza kuhusu usingizi mara 20 kwa siku ambayo ni sawa na mara moja kila baada ya dakika 33.

Katika utafiti huo ilibainika kuwa hamu ya mwanaume kutaka tendo ina nguvu zaidi ya ile ya mwanamke na huwa ni ya moja kwa moja na ya wazi, tofauti na mwanamke ambaye hamu yake inafungamana na mazingira yake. Pia imebainika kuwa mwanaume huweza kufika kileleni baada ya dakika 4 tu baada ya kuanza tendo la ndoa, huku mwanamke akihitaji angalau dakika 10 mpaka 11 ili kufika kileleni.

Share on Google Plus

About Unknown

This is a short description in the author block about the author. You edit it by entering text in the "Biographical Info" field in the user admin panel.