Wanaharakati wamerusha video inayoonesha tukio la adhabu
ya kifo kwa kupigwa risasi katika mji mkuu wa Yemeni, Sanaa, dhidi ya mtu
aliyetuhumiwa kumbaka mtoto mdogo na kumuua.
Katika video hiyo anaonekana mtuhumiwa akiwa amefungwa
mikono yake kwa nyuma na amelazwa kifudifudi kisha akaonekana mtu mmoja
aliyevalia sare za jeshi akiwa na bunduki na kumpiga risasi kichwani mbele ya
umati wa watu ambao walipaza sauti zao na kushangilia.
Inaelezwa kuwa uhalifu huo wa kumbaka na kumuua mtoto aitwaye
Rana Yahya Al-Matry mwenye umri wa miaka mitatu uliotokea siku moja kabla ya
sikukuu ya Eid Al-Fitr, ulisababisha mshituko mkubwa nchini humo kiasi cha
kuufanya umma ulaani na kutaka mhusika kuchukuliwa hatua kali. Mhalifu huyo
aitwaye Mohamed Mujahid al-Maghriby mwenye umri wa miaka arobaini alikamatwa,
akakiri kumteka na kumbaka Rana akatoa maelezo kamili ya namna alivyotekeleza
uhalifu huo.
Tunaomba radhi kwa kutorusha video hiyo kutokana na
picha zake.
 |
| Mtoto Rana na mbakaji wake |
0 comments:
Post a Comment