MLIPUKO WA MAFUTA WAUA ZAIDI YA WATU 120

Magari yaliyoungua baada ya ajali ya moto katika mji wa Bahawalpur, nchini  Pakistan, Juni 25, 2017.

Mafuta yaliyokuwa yakivuja kutoka katika gari la mafuta lililopinduka yalishika moto katika mji mmoja nchini Pakistan na kuua zaidi ya watu 120.

Mtandao wa Geo News wa nchini humo umeripoti leo kuwa tukio hilo lilitokea katika wilaya ya Pul Paka katika mji wa Bahawalpur baada ya kundi la watu kujikusanya kwa lengo la kuchota mafuta kwenye gari hilo lililokuwa limepata ajala kwenye barabara kuu.

Mashuhuda wanasema kuwa watu kadhaa walikuwa wakivuta sigara kwenye eneo hilo, na kwamba moto uliotokana na sigara hizo unaweza kuwa chanzo cha mlipuko huo.

Duru za uokozi zinasema kuwa waathirika waliungua vibaya sana kiasi cha kutotambulika na kwamba kipimo cha DNA kingetumika kuwatambua.

Baadhi ya waathirika ni wenyeji wa wilaya hiyo huku wengine wakiwa ni wapiti njia.

Magari yalishika moto katika tukio hilo ambalo mtandao huo wa Geo umesema kuwa ulidhibitiwa.

Zaidi ya watu 100 pia wamejeruhiwa katika tukio hilo.

Jeshi la nchi hiyo lilisema kuwa litatuma helkopta za kijeshi kuwaokoa majeruhi. Hospitali zimewekwa katika hali ya utayari mkubwa.

Mwaka 2015 watu wasiopungua 62. Wakiwema wanawake na watoto, walipoteza maisha kusini mwa Pakistan baada ya basi lao kugongana na gari la mafuta kusababisha moto mkubwa uliowaunguza watu vibaya sana.

Share on Google Plus

About Unknown

This is a short description in the author block about the author. You edit it by entering text in the "Biographical Info" field in the user admin panel.