AHUKUMIWA ADHABU YA KIFO KWA KUBADILI DINI

 

Jaji mmoja wa mahakama nchini Sudan amemhukumu kunyongwa hadi kufa mwanamke mmoja wa Kikristo kwa kubadili dini yake.

Kesi hiyo iliyokuwa ikilalamikiwa na balozi za nchi za Magharibi ambazo zilitaka kutolewa kwa fidia badala ya adhabu hiyo, na ambayo ni ya kwanza kusikilizwa nchini humo, ilimhusisha mwanamke aitwaye Mariam Yahia Ibrahim Ishag.

"Tulikupatia siku tatu kutubu lakini ulikataa kurejea katika Uislamu,” Jaji Abbas Mohammed Al-Khalifa alimwambia mwanamke huyo ambaye pamoja na adhabu hiyo alihukumiwa kupigwa viboko 100 kwa kosa la uzunifu.

"Ninakuhukumu kunyongwa hadi kufa."

Wanaharakati nchini humo wanadai kuwa Mariam mwenye umri wa miaka 27 ni mja mzito na kwamba hakuonesha mshtuko wowote wakati hukumu hiyo ikitolewa katika mahakama katika wilaya ya Haj Yousef mjini Khartoum.

Katika utetezi wake, Mariam alidai kuwa yeye ni Mkristo na hajawahi kubadili au kuikana dini yake.

Akizungumza na shirika la habari la AFP, Waziri wa Habari wa nchi hiyo, Ahmed Bilal Osman, alisema: “Sio Sudan pekee. Nchini Saudi Arabia na katika nchi zote za Kiislamu Muislamu haruhusiwi kubadili dini yake.”

Serikali ya Sudan ilianza kutumia Sheria za Kiislamu mwaka 1983 lakini ni nadra sana kutumika kwa adhabu kubwa zaidi ya viboko.

Baada ya hukumu hiyo makundi yanayopinga na yale yanayotetea adhabu hiyo yalifanya maandamano, lakini hapakuripotiwa ghasia zozote.

CHANZO: Aljazeera

Share on Google Plus

About Unknown

This is a short description in the author block about the author. You edit it by entering text in the "Biographical Info" field in the user admin panel.