GAMBIA YAJIONDOA RASMI KATIKA JUMUIYA UMOJA WA MADOLA

 

SERIKALI ya Gambia imetangaza kuwa inajitoa katika Jumuiya ya Madola (Commonwealth), ikisema kuwa kamwe haitakuwa “mwanachama wa taasisi yoyote ya ukoloni mamboleo.”

"Wananchi wanataarifiwa kuwa serikali ya Gambia imejiondoa katika Mataifa ya Jumuiya ya Madola mara moja,” serikali ilisema katika taarifa iliyotolewa jana Jumatano, kama ilivyoripotiwa na AFP.

"Serikali imejiondoa katika uanachama wa Jumuiya ya Madola ya Uingereza na imeamua kuwa Gambia kamwe haitakuwa mwanachama wa taasisi yoyote ya ukoloni mambo leo inayowakilisha kuendeleza ukoloni,” iliongeza kusema taarifa hiyo.

Mpaka sasa haijajulikana wazi kitu gani kilichopelekea uamuzi huo wa kushtukiza na wa kushtusha.

Jumuiya ya Madola ni mkusanyiko wa mataifa ambayo kwa kiasi kikubwa yalikuwa makoloni ya Mwingereza, na ilianzishwa rasmi kwa Azimio la London mwaka 1949.

AFP

Share on Google Plus

About Unknown

This is a short description in the author block about the author. You edit it by entering text in the "Biographical Info" field in the user admin panel.