WANYARWANDA WANAPIGA KURA LEO

 

Raia wa Rwanda leo wanaelekea kwenye masanduku ya kupigia kura kumchagua rais wa nchi hiyo. Watu wanaokadiriwa kuwa milioni 6.9 wanatarajiwa kushiriki katika zoezi hilo ambalo lilianza jana kwa kupiga kura wanyarwanda wanaoishi nje ya nchi.

Vituo 2,340 vimesambazwa kote nchini Rwanda na vilitarajiwa kufunguliwa mapema leo saa moja kamili asubuhi kwa majira ya Rwanda.

Katibu Mtendaji wa Tume ya Taifa ya Uchaguzi ya Rwanda, Charles Munyaneza amesema anatarajia uchaguzi wa leo utafanyika kwa amani na utulivu kutokana na maandalizi mazuri yaliyofanyika. Munyaneza amesisitiza kuwa, matokeo ya awali ya uchaguzi mkuu wa leo nchini Rwanda yataanza kutolewa leo usiku.

Paul Kagame

Wagombea watatu wanachuana katika uchaguzi wa leo na inatabiriwa kwamba rais wa sasa wa nchi hiyo Paul Kagame atapata ushindi mkubwa.

Wagombea wengine ni Frank Habineza, wa chama cha Democratic Green Party of Rwanda na Bwana Philippe Mpayimana anayegombea kama mgombea huru.

Waangalizi 2000 kutoka nje ya nchi wanasimamia uchaguzi wa leo nchini Rwanda ambao utagharimu Franga za Rwanda bilioni 6.2.

Mgombea wa Chama cha Upinzani cha Democratic Green Party Frank Habineza.

Uchaguzi wa leo nchini Rwanda unafanyika kwa amani ingwa ofisi ya shirika la Amnesty International katika kanda ya Afrika mashariki imetahadharisha kwamba huwenda ukafanyika katika anga ya hofu inayotokana na ukandamizaji wa miaka mingi wa serikali dhidi ya kambi ya upinzani.     

Share on Google Plus

About Unknown

This is a short description in the author block about the author. You edit it by entering text in the "Biographical Info" field in the user admin panel.