NDEGE ILIYOBEBA WACHEZAJI WA BRAZIL YAANGUKA

Hii ni picha ya kwanza ya mabaki ya ndege iliyoanguka katikati wa nchi ya Colombia Novemba 28, 2016.

Ndege iliyobeba watu 81, wakiwemo wachezaji wa soka kutoka Brazil, imeanguka nchini Colombia, huku maafisi wakisema kuwa kuna manusura sita.

Ndege hiyo, ikiwa imebaba wachezaji wa timu ya soka ya Chapecoense Real kutoka Brazil ambao ni sehemu ya abiri 72 na wafanyakazi 9, imeanguka leo jirani na mji wa Medellin nchini Colombia.

Mamlaka nchini humo zinasema kuwa waokoaji walikuwa wakiwaondosha manusura kutoka eneo la ajali. Uongozi wa uwanja wa ndege wa Medellin unasema kuwa eneo hilo lingeweza kufikiwa kwa barabara tu kwa sababu ya hali mbaya ya hewa.

Ndege hiyo imeanguka katika eneo liitwalo Cerro Gordo, takriban kilometa 50 kutoka Medellin, ambao ni mji wa pili kwa ukubwa nchini Colombia.

“Inaonekana kuwa ndege hiyo iliishiwa mafuta,” Elkin Ospina, meya wa mji wa jirani wa La Ceja, ameliambia shirika la habari la AFP.

Timu hiyo ya mpira ilikuwa ikitarajiwa kushiriki katika mchezo wa Kombe la Amerika Kusini katika mji wa Medellin siku ya Jumatano.

Share on Google Plus

About Unknown

This is a short description in the author block about the author. You edit it by entering text in the "Biographical Info" field in the user admin panel.