MUFTI APIGA MARUFUKU QUR’AN KUTUMIKA KATIKA SIMU

Mufti Mkuu wa Uganda, Sheikh Ramadhan Mubaje

Mufti nchini Uganda, Sheikh Shaaban Ramadhan Mubaje amepiga marufuku aya za Qur’an kutumika kama muito wa simu.

Mufti Mubaje alitoa Fat’wa hiyo wilayani Nakiso katika mazishi ya aliyekuwa Sheikh anayehusika na Waislamu walio magerezani, Ibrahim Ddumba.

Alisema moja ya sheria, kanuni na taratibu za QUr’an ni kwa anayesikia aya zake zikisomwa anapaswa kusikiliza kwa utulivu wa hali ya juu.

Kwa mujibu wa Sheikh Mubaje, hilo halifanyiki wakati wa aya za Qur’an zinaposomwa katika muito wa simu.

“Qur’an inapotumika kama muito mwenye simu huacha kusikiliza ama kwa kupokea au kukata jambo ambalo ni kinyume na mafundisho,” alisema.

Sheikh Mubaje alisema ni vyema Waislamu wakaepuka kutumia aya za Qur’an kama miito kwenye simu zao ili kutoingia kwenye makosa hayo.

Kutokana na sense ya watu na makazi ya mwaka 2002, asilimia 30.1 ya wananchi wa Uganda ni Waislamu.

Hata hivyo hakuna matumizi ya sheria za Kiislamu kwa kuwa hakuna mahakama za Kiislamu zinazotambulika kisheria.

Ibara ya 129 ya katiba ya Uganda inaruhusu uanzishwaji wa mahakama za kadhi lakini kutokana na mazingira mahakama hizo hazina nguvu kisheria.

Share on Google Plus

About Unknown

This is a short description in the author block about the author. You edit it by entering text in the "Biographical Info" field in the user admin panel.