WEZI WAIBA KUKU WOTE NYUMBANI KWA DC

 

WEZI wameruka ukuta wa makazi ya Mkuu wa Wilaya ya Mbinga mkoani Ruvuma, Senyi Ngaga, kuvunja banda la kufugia na kuchukua mifugo yote iliyokuwemo. Katika tukio hilo la juzi kuku wote waliokuwa kwenye banda hilo lililojengwa kwa matofali waliibwa.

Polisi wamesema kwamba baada ya kuingia katika makazi hayo wezi hao walitoboa ukuta wa chumba ambacho kuku hao walihifadhiwa na kuwaiba.

Idadi ya kuku walioibwa haikuweza kujulikana mara moja na Mkuu wa Wilaya amesema atatoa taarifa baada ya kupata maelezo kamili ya Jeshi la Polisi nini kilitokea katika makazi hayo.

“Ni tukio ambalo linatuumiza sana kichwa kwa eneo kama hili kuvamiwa na kuvunjwa,” alisema.

Wakizungumza kwa nyakati tofauti na mwandishi wa habari hizi, baadhi ya wakzi wa mji wa Mbinga wamesema ni jambo la kushangaza kwa eneo hilo kuvamiwa na wezi, hivyo ni vyema ulinzi ukaimarishwa ili matukio kama haya yasiweze kuendelea kuwepo.

“Mkuu wa Wilaya ni mwakilishi wa Rais wetu inakuwaje eneo la Ikulu ndogo kama ile ambapo anaishi panavamiwa na wezi, wakati vyombo vya usalama vipo, vinafanya kazi gani”, alihoji mmoja wa wananchi.

Kamanda wa Polisi Mkoa wa Ruvuma, Deusdedith Nsimeki alithibitisha kuwepo kwa tukio hilo.

“Ni kweli taarifa juu ya kuvamiwa na kuvunjwa banda la kufugia kuku katika eneo hilo nimezipata hivi punde, kuku kadhaa wameibwa.

”Idadi yake bado sijaipata lakini uchunguzi bado unaendelea ili tuweze kubaini nani aliyehusika na uhalifu huo, kwa hivi sasa hakuna mtu tunayemshikilia,”  alisema Kamanda.

Akizungumza na mwandishi wa habari hizi, Mkuu wa Wilaya alisema kikubwa kinachomsikitisha zaidi, ni kwamba hapo nyumbani kwake ni Ikulu ndogo; Ni jengo la Serikali na walinzi wanaoshiriki ni askari Polisi na walikuwa na silaha.

Share on Google Plus

About Unknown

This is a short description in the author block about the author. You edit it by entering text in the "Biographical Info" field in the user admin panel.