WAZIRI MKUU WA LIBYA ATEKWA

WAZIRI Mkuu wa Libya, Minister Ali Zeidan, ameripotiwa kutekwa na watu wenye silaha katika mji mkuu wa nchi hiyo, Tripoli, serikali ya Libya imetengaza.

“Mkuu wa serikali ya mpito, Ali Zeidan, alipelekwa sehemu isiyojulikana kwa sababu zisizojulikana” asubuhi ya leo, ilisema taarifa hiyo ya serikali.

Karani mmoja wa hoteli, ambaye hakutaka kutaja jina lake kwa sababu ya kutoruhusiwa kuzungumza na vyombo vya habari, alisema kuwa waasi wenye silaha walimchukua Zeidan kutoka Hoteli ya Corinthian kwenda kwenye msafara wa magari uliokuwa ukisubiri eneo hilo.

Tukio hilo linatokea siku moja baada ya Waziri Mkuu huyo kutoa wito wa kukomesha uasi katika nchi hiyo.

Zeidan alikiambia kituo cha habari cha serikali kwamba Libya ilikuwa ikitumika kusafirisha silaha katika ukanda wote wa eneo hilo.

Utekwaji huo umefanywa siku kadhaa baada ya vikosi vya Marekani kufanya shambulizi la kushittukiza mjini Tripoli na kumkamata mtu anayedaiwa kuwa kiongozi wa al-Qaeda nchini humo, Abu Anas al-Libi.

Al-Libi, mwenye umri wa miaka 49, anaripotiwa kushikiliwa na kuhojiwa katika meli ya kivita ya Marekani, USS San Antonio, ambayo imeweka nanga baharini.

Serikali ya Libya inalichukuliwa shambulizi hilo la Marekani kama utekaji nyara wa raia wa Libya, na wamemhoji balozi wa Marekani nchini humo kuhusu hatua hiyo.

Mnamo Oktoba 8, Zeidan aliwaambia waandishi wa habari mjini Tripoli kuwa, uhusiano wetu na Marekani ni muhimu, na tunalizingatia hilo, lakini pia tunawajali raia wetu, na hilo ndio jukumu letu.”

Share on Google Plus

About Unknown

This is a short description in the author block about the author. You edit it by entering text in the "Biographical Info" field in the user admin panel.