WALINDA AMANI WENGINE WAUAWA DARFUR

Askari wa Umoja wa Mataifa kutoka Tanzania akiwa katika majukumu yake huko Darfur, Suadan

WALINZI wa amani watatu kutoka Senegal wameuawa wakati msafara wa walinda amani wa Umoja wa Mataifa uliposhambuliwa katika Jimbo la Darfur, nchini Sudan.

Ujumbe wa Umoja wa Afrika na Umoja wa Mataifa kwa ajili ya Darfur (UNAMID) ulisema katika taarifa iliyotolewa jana Jumapili kuwa shambulizi hilo lilifanywa wakati walianda amani walipokuwa wakiusindikiza msafara wa maji kutoka mji wa El Geneina kwenda ofisi za UN Magharibi mwa Darfur.

Shambulizi hilo ni la pili kufanyika dhidi ya walinda amani wa Umoja wa Mataifa katika jimbo hilo ndani ya siku tatu, ambalo, mbali na vifo hivyo, lilimjeruhi pia askari mmoja kutoka Senegal.

UNAMID iliongeza kuwa washambualiaji walilivizia gari lililokuwa umbali wa kilometa saba (maili nne).

Katika radiamali juu ya mashambulizi hayo, Katibu Mkuu wa Umoja wa Mataifa,  Ban Ki-moon, aliitaka serikali ya Sudan kuchukua hatua za lazima dhidi ya hujuma hizo.

“Kwa mara nyingine tena, walinda amani wa UNAMID wanashambuliwa wakiwa katika utekelezaji wa majukumu yao ya kuwasaidia Wasudan kupata amani Darfur… Hujuma hizi hazikubaliki,” aliongeza mkuu huyo wa UN na kuiambia serikali ya Sudan kuwawajibisha wahusika.

Mnamo Oktoba 11, mwanajeshi kutoka Zambia aliuawa katika shambulizi lililofanywa katika mji wa El Fasher, Kaskazini mwa Darfur.

Mwezi Julai, askari saba wa Tanzania na polisi mmoja wa Sierra Leone waliuawa na wengine 16 kujeruhiwa karibu na mji wa Nyala katika jimbo la Darfur.

Darfur imekuwa katika hali ya ghasia tangu mwaka 2003, baada ya waasi kushika silaha dhidi ya serikali ya Sudan. Vilevile kumekuwepo na mapigano ya kikabila katika jimbo hilo. Zaidi ya watu 300,000 wameshauawa katika mgogoro huo. 

Share on Google Plus

About Unknown

This is a short description in the author block about the author. You edit it by entering text in the "Biographical Info" field in the user admin panel.