VIFO VYAONGEZEKA KATIKA GHASIA ZA MISRI

IDADI ya vifo katika mapambano baina ya wafuasi wa rais zamani wa Misri Muhammad Mursi na vikosi vya polisi imeongezeka na kufikia 51 huku ghasia zikiongezeka na kuhanikiza katika taifa hilo la kaskazini mwa Afrika.

Wafuasi wa Mursi, aliyeondolewa madarakani kwa mapinduzi ya jeshi mwezi Julai mwaka huu, walikuwa wakijaribu kukusanyika katika uwanja mashuhuri mjini Cairo wa Tahrir ambapo polisi walikabiliana nao.

Kwa mujibu wa afisa mwandamizi wa wizara ya Afya, Ahmed al-Ansari, kwa uchache watu 45 walipoteza maisha mjini Cairo na wengine kadahaa kufariki katika eneo la kusini la mji huo.

Afisa huyo aliongeza kuwa vifo vingi vilisababishwa na risasi na mabomu, wakati polisi walipokuwa wakijaribu kuwatawanya waandamanaji katikati ya mji wa Cairo.

Aidha, wapatao 270 waliripotewa kujeruhiwa katika ghasia zilizoyakumba maeneo mbalimbali ya nchi hiyo.

Taarifa iliyotolewa na Wizara ya Mambo ya Ndani ya Misri ilisema kuwa polisi waliwakamata waandamanaji 423 ktaika mji huo.

Wakati huo huo, muungano wa vyama vinavyopinga mapinduzi ya kijeshi, unaojumuisha chama cha Mursi cha Udugu wa Kiislamu, umeitisha maandamano zaidi wiki hii na kuwataka wanafunzi katika shule na vyuo vyote kuandamana kesho Jumanne kupinga kile walichokiita “mauaji yanayoendelea.”

“Muungano wetu unazitupia mamlaka za mapinduzi serikali iliyoteuliwa na jeshi lawama zote za uwamgaji damu ya Wamisri iliyomwaga leo na kwa kila Mmisri aliyeuawa leo,” ilisema taarifa ya muungano huo.

Siku ya Ijumaa, maelfu ya wanaharakati wa chama cha Udugu wa Kiislamu na wafuasi wao walifanya maandamano mjini Cairo baada ya swala ya Ijumaa kupinga ukandamizaji wa jeshi la Misri.

Gari la jeshi liliwafyatulia waandamanaji risasi za moto walipojaribu kuingia Uwanja wa Tahrir. Polisi pia walifyatua vitoa machozi katika harakati za kuwarudisha nyuma.

Misri imekuwa katika hali ya taharuki tangu Julai 3, baada ya jeshi kumuondoa madarakani Mursi, kusimamisha matumizi ya katiba na kulivunja bunge. Jeshi hilo pia lilimteua mkuu wa Mahakama Kuu ya Kikatiba, Adly Mahmoud Mansoour kuwa rais wa mpito.

Serikali ya Mansour ilianzisha operesheni ya kuwadhibiti wafuasi wa Mursi na kuwakamata zaidi ya wafuasi 2,000 wa chama cha Udugu wa Kiislamu, akiwemo kiongozi wa chama hicho, Muhammad Badie, aliyekamatwa Agosti 20.

Watu wapatao 1,000 waliuawa ndani ya wiki moja kutokana na makabiliano  baina ya wafuasi wa Mursi na vikosi vya usalama baada ya polisi kuzivunjilia mbali kambi za waaandamanaji katika operesheni kubwa Agosti 14.

Mauaji hayo yaliibua lawama za jumuiya ya kimataifa na kuzifanya taasisi za Kimataifa kutaka ufanyike uchunguzi huru juu ya ghasia hizo.

Share on Google Plus

About Unknown

This is a short description in the author block about the author. You edit it by entering text in the "Biographical Info" field in the user admin panel.