SILAHA ZA KEMIKALI ZAANZA KUHARIBIWA NCHINI SYRIA

WAKAGUZI wa Umoja wa Mataifa wameanza zoezi la kuziharibu ghala za silaha za kemikali za Syria.

Afisa mmoja wa Umoja wa Mataifa amesma kuwa mpaka mwisho wa siku ya leo shehena moja ya silaha na zana za kutengenezea silaha hizo zitakuwa zimeharibiwa.

Wachunguzi hao wamepewa kazi na Umoja wa Mataifa kuziharibu kabisa silaha za kemikali za Syria, kufuatia nchi hiyo kusaini mkataba wa kuwa mwanachama wa umoja wa kuzuia ueneaji wa silaha hizo.

Aidha, programu ya kuziangamiza silaha hizo imekuja kufuatia shutuma zilizotolewa dhidi ya serikali ya Damascus kuwa ilitumia silaha hizo katika shambulizi moja karibu na mji wa Damascus lililofanyika mwezi Agosti mwaka huu na kuua mamia ya wananchi.

Hata hivyo, serikali ya Damascus imekuwa ikikanusha tuhuma hizo na kuwalaumu waasi kuwa ndio wahusika wakubwa.

Programu hiyo inatarajiwa kuendelea mpaka katikati ya mwaka ujao.

Share on Google Plus

About Unknown

This is a short description in the author block about the author. You edit it by entering text in the "Biographical Info" field in the user admin panel.