KENYA: WALIOSHAMBULIA WESTGATE HAWAKUWA ZAIDI YA SITA

video ikiwaonesha washambuliaji ndani ya jengo la westgate

POLISI nchini Kenya wamesema kuwa watu walioshambulia jumba la biashara la Westgate mjini Nairobi walikuwa kati ya wanne na sita, ikiwa ni idadi ndogo zaidi ya ile iliyoelezwa awali.

Video mpya ya kamera zilzokuwa katika jengo hilo zinawaonesha washambuliaji hao wakiranda randa na bunduki aina ya AK-47 mikononi mwao

Aidha, jeshi la Kenya liliwataja watu wanne wanaoaminika kufanya shambulizi hilo. Watu hao ni: Abu Baara al-Sudani, Omar Nabhan, Khattab al-Kene na Umayr.

Awali Kenya ilikuwa imesema kuwa watu waliohusika na mzingiro huo uliodumu kwa saa 80 ni baina ya 10 na 15.

"Taarifa tulizonazo sasa kutokana na uchunguzi wetu, idadi ya washambuliaji ilikuwa kati ya nne na sita,” mkuu wa polisi nchini humo David Kimaiyo alikiambia kituo cha televisheni cha KTN.

"Hakuna hata mmoja aliyeweza kutoka ndani ya jengo baada ya shambulizi,” alisema, akimaanisha kuwa watu hao waliuawa katika mapambano.

Video mpya zilizonaswa na kamera za CCTV kutoka eneo moja la jengo hilo zinawaonesha wanaume wanne wenye silaha wakizunguka na kuzurura ndani ya jengo, ikionekana kana kwamba wanawatafuta waathirika wapya.

Juzi Jumamosi Kimaiyo alithibitisha kwamba mwanamke mwenye asili ya Uingereza, anayejulikana kama “Mjane Mweupe”, Samantha Lewthwaite – ambaye alidaiwa kuwa mmoja wa washambuliaji – hakuwa miongoni mwao.

"Kuhusu Samantha tumethibitisha kuwa hakuwa sehemu ya washambuliaji waliokuwa katika jengo,” alisema.

UKATILI

Hapo awali maafisa wa Kenya walikuwa wamedai kuwa waliwaua washambualiaji watano, lakini video hiyo iliyochukuliwa saa tano za mzingiro huo uliodumu kwa saa 80, inawaonesha watu wanne tu.

Jambo lililowazi ni kuwa watu hao walikuwa wamejipanga, na walionekana kutokuwa na wasiwasi wowote na walionakana kuwa na ukatili wa hali ya juu.

Kamera za usalama zinawaonesha wakiwa kwenye chumba cha mikate cha ‘supermarket’ saa kadhaa baada ya mzingiro kuanza, ikionekana kuwa wengi katka wale waliowateka walikuwa wameshakufa.

Wakati mwingine, mmoja wa washambuliaji alisogea kwenye meza na kukibamiza kioo cha kompyuta.

Wakati huo huo, anaonekana akizungumza na simu, ikionekana kuwa yumkini alikuwa akifanya mawasiliano na washambuliaji wengine ndani ya jengo au akiwasiliana na makamanda waliokuwa nje au waliokuwa Somalia.

Adiha, hivi karibuni kikosi maalumu cha jeshi kutoka nje ya Somalia kiliishambulia ngome moja ya Al-Shabaab katika mji wa Baraawe nchini Somalia, katika operesheni iliyomlenga kamanda mmoja mwandamizi wa kundi hilo. Al-Shabaab wanasema kuwa walikabiliana na kikosi hicho na kwamba shambulizi hilo lilifeli.

Marekani ilithibitisha kuwa makomandoo wa jeshi lake la maji walifanya shambulizi hilo katika taarifa iliyotolewa na wizara ya ulinzi ya nchi hiyo.

VIDEO YA WESTGATE INAPATIKANA KATIKA UKURASA WETU WA FACEBOOK WA MZIZIMA 24.

Share on Google Plus

About Unknown

This is a short description in the author block about the author. You edit it by entering text in the "Biographical Info" field in the user admin panel.