UMOJA WA AFRIKA WAILAANI MAHAKAMA YA ICC

 

UMOJA wa Afrika umeelezea wasiwasi wake dhidi ya Mahakama ya Kimataifa ya Uhalifu (ICC), ukiitaka kuzifuta kesi za viongozi wa Kenya.

Wito huo umetolewa wakati wa kikao cha Umoja huo wenye wanachama 54 kilichofanyika leo katika mji mkuu wa Ethiopia, Addis Ababa. Viongozi kadhaa wa Kiafrika waliitaka mahakama hiyo kuondosha mashitaka yanayoukabili uongozi wa Kenya na nchi nyingine wanachama wa Umoja huo.

Waziri wa Mambo ya Nje wa Ethiopia, Tedros Adhanom Ghebreyesus, aliyeongoza kikao cha leo cha Umoja wa Afrika mjini Addis Ababa, alisema kuwa AU iliwahi kulitaka Baraza la Usalama la Umoja wa Mataifa kuahirisha mashitaka dhidi ya Rais wa Sudan Omar al-Bashir lakini hawakusikiliza. Vilevile alilaani vikali jinsi mahakama hiyo inavyowanyanyasa viongozi wa Kiafrika na kuamiliana nao vibaya.

"Namna ambavyo mahaka imekuwa ikifanya kazi, hususan inavyowatendea vibaya viongozi wa Kiafrika, inaleta wasiwasi,” Ghebreyesus aliwaambia mawaziri na wajumbe wengine katika mkutano wa ufunguzi, akaongeza kuwa, "Badala ya kuleta haki na maridhiano…mahakama hiyo imejigeuza kuwa chombo cha kisiasa. Muamala huu mbaya na wa ukandamizaji haukubaliki kabisa.”

Kwa kiasi kikubwa mkutano huo unajikita katika kujadili uhusiano wa AU na mahakama ya ICC. Umoja huo unaituhumu mahakama hiyo yenye makao yake mjini Hague, Uholanzi, kuwa kazi yake imekuwa ni kuwawinda viongozi wa Kiafrika na kuwashitaki.

Naibu Rais wa Kenya, William Ruto, kwa sasa anakabiliwa na mashitaka ya uhalifu dhidi ya binadamu.

Ruto pamoja na Rais Uhuru Kenyatta wanatuhumiwa kuchochea ghasia za baada ya uchaguzi wa mwaka 2007, zilizopoteza maisha ya watu wapatao 1,200.

Kwa uchache viongozi 8 wa Kiafrika wanachunguzwa na Mahakama hiyo ya ICC.

Kwa sasa ICC inaendesha kesi za uhalifu dhidi ya binadamu kutoka katika nchi nane za Kiafrika kama vile Sudan, Jamhuri ya Kdemokrasia ya Kongo, Jamhuri ya Afrika ya Kati, Uganda na Kenya.

Kwa muda mrefu Umoja wa Afrika umekuwa ukijaribu kustawisha utawala wa kidemokrasia barani Afrika, lakini umekuwa ukikwamishwa na viongozi kadhaa wanaong’ang’ania madaraka. 

Share on Google Plus

About Unknown

This is a short description in the author block about the author. You edit it by entering text in the "Biographical Info" field in the user admin panel.