MASHOGA KUPIGWA MARUFUKU KUINGIA NCHI ZA GHUBA

 

Kuwait na nchi nyingine zinatarajiwa kuweka utaratibu wa vipimo vya afya katika “kuwabaini” mashoga wanaoingia katika nchi za Ghuba.

Afisa mmoja mwandamizi, Yousouf Mindkar anasema kuwa pendekezo la kuweka vifaa maalumu kwenye viwanja vya ndege katika nchi zote za Ushirikiano wa Ghuba linaandaliwa. Watu watakaobainika kuwa mashoga hawataruhusiwa kuingia katika nchi husika.

Kamati iliyopewa jukumu la kushughulikia suala hilo itakaa Novemba 11 kupitia pendekezo hilo.

Akizungumza na gazeti moja la kila siku nchini Kuwait la Al Rai, mkurugenzi wa afya ya umma kwenye wizara ya afya alisema kuwa wakati vituo vya afya tayari vina utaratibu wa kufanya vipimo kubaini afya za wale wanaoingia Kuwait, watachukua hatua kali zaidi zitakazowasaidia kuwabaini mashoga ambao watazuiliwa Kuwait au nchi yoyote mwanachama wa Ushirikiano wa nchi za Ghuba.”

Wale wenye umri chini ya miaka 21 wanaoishi Kuwait wanapokutwa na hatia ya kushiriki vitendo vya ushoga hupewa adhabu ya kifungo cha miaka mpaka 10 jela. Vitendo vya ushoga vimepigwa marufuku katika nchi za Ushirikiano wa Ghuba zinazojumuisha Saudi Arabia, Oman na Umoja wa Falme za Kiarabu.

Mapema wiki hii, Oman ililifungia kwa muda usijulikana gazeti la The Week, lilituhumiwa kuchapisha makala iliyochukuliwa kuwa inawatetea mashoga.

Ushoga umepigwa marufuku katika nchi 78 duniani na katika nchi tano mtu anayekutwa na hatia ya kufanya ushoga adhabu yake ni kifo. Miongoni mwa nchi hizo ni Iran, Yemen na Saudi Arabia.

Share on Google Plus

About Unknown

This is a short description in the author block about the author. You edit it by entering text in the "Biographical Info" field in the user admin panel.