DAKTARI KUTOKA KONGO APATA TUZO YA AMANI YA NOBEL

Mwana jinakolojia (elimu ya uzazi) kutoka Jamhuri ya Kidemokrasia, Denis Mukwege, amepokea tuzo ya mwaka huu wa 2013 ya Kazi Za Kiraia, katika kutambua kazi ya utoaji huduma za kiutu katika eneo la Mashariki mwa nchi hiyo lenye migogoro ya vita na machafuko.

Mukwege, ambaye aliwania Tuzo ya Amani ya Nobel mwaka huu, alipata tuzo hiyo jana Jumanne aliyotunukiwa kwa kazi yake ya kuwahudumia wanawake waliobakwa na waathirika wa vitendo hivyo mashariki mwa Kongo ambapo hospitali yake inayojulikana kama Panzi Hospital, imekuwa msitari wa mbele katika kuwahudumia maelfu ya akina mama Kikongo wanaokumbwa na zahma hiyo thakili.  

Kwa mujibu wa Umoja wa Mataifa, Jeshi la Kongo na makundi mbalimbali yenye silaha, kama vile M23, wanahusika na vitendo vya kuwabaka raia.

"Nilipokutana na wanawake hawa maisha yangu yalibadilika kabisa,” anasema Mukwege. “Taaluma yangu kama daktari ilinifanya niwe shuhuda wa moja kwa moja wa unyama dhidi ya binadamu ambao ni vigumu kuuelewe kikamilifu. Hii ni kwa sababu dhuluma za kingono zinawalenga watu ambao ni rasilimali yetu ya juu kabisa: mama zetu, wake zetu na mabinti zetu.”

Mukwege anasema yumkini ubakaji ndio “uhalifu mkongwe zaidi na usiolaaniwa sana".

"Hakuna kitu kisichowezekana kuhusu hili tatizo,” anasema. “Tunaweza kuleta mabadiliko chanya nchini Kongo.”

Makundi kadhaa yenye silaha, ikiwemo M23, wanaendesha harakati zao za uasi mashariki mwa Kongo na wanapigania kuidhibiti nchi hiyo kubwa yenye maliasili za madini, kama vile dhahabu, urani, coltan, ambayo hutumika katika utengenezaji wa vifaa vingi vya elektroniki, ikiwemo simu za mkononi.

Tangu mwezi Mei 2012, takriban watu milioni 3 wameyekimbia makazi yao katika eneo la mashariki mwa Kongo. Takriban watu milioni 2.5 ni wakimbizi wa ndani, huku zaidi ya watu 460,000 wamekimbilia katika nchi za Rwanda na Uganda.

Kongo imekuwa ikikabiliwa na matatizo matatizo kwa miongo kadhaa, kama vile umaskini uliokithiri, miondombinu mibovu, na vita katika eneo la mashariki mwa nchi hiyo ambavyo viliibuka tangu mwaka 1998 na kugharimu maisha ya zaidi ya watu milioni 5.5.

Share on Google Plus

About Unknown

This is a short description in the author block about the author. You edit it by entering text in the "Biographical Info" field in the user admin panel.