UBALOZI WA SWEDEN NCHINI LIBYA WASHAMBULIWA KWA BOMU

 

Gari lililobeba milipuko limelipuka jirani na ubalozi mdogo wa Sweden katika mji wa mashariki wa Benghazi nchini Libya, ingawa hakuna majeruhi walioripotiwa.

Maafisa usalama wa Libya wamesema leo kuwa mlipuko huo uliliharibu vibaya sana jengo la ubalozi huo uliopo katika wilaya ya al-Fouihet mjini Benghazi.

“Mlipuko mkubwa uliotokea mbele ya ubalozi mdogo wa Sweden ulisababisha uharibifu mkubwa kwenye jengo hilo na kwenye majengo ya jirani lakini hakuna vifo vilivyotokea,” alisema Kanali Abdullah Zaidi.

Mwezi Agosti, ubalozi mdogo wa Misri katika mji huo ulishambuliwa na watu wasiojulikana waliorusha vifaa vya milipuko kwenye jengo hilo na kusababisha uharibifu mkubwa.

Shambulizi baya zaidi lilitokea Septemba 2011, baada ya watu wenye silaha kuushambulia ubalozi mdogo wa Marekani mjini humo na kumuua abalozi Chris Stevens na kuwajeruhi Wamarekani wengine watatu. 

Share on Google Plus

About Unknown

This is a short description in the author block about the author. You edit it by entering text in the "Biographical Info" field in the user admin panel.