 |
| Kanisa lililochomwa moto |
MTU mmoja amepigwa risasi katika makabiliano ya vijana na polisi katika eneo la Majengo, mjini Mombasa nchini Kenya.
Vijana hao wanapinga mauaji ya usiku wa kuamkia leo ya Sheikh Ibrahim Rogo na wenzake watatu yaliyofanywa na watu wenye silaha.
Mpaka sasa kanisa limeshachomwa moto na watu wawili wamekimbizwa Hospitali na Kikosi cha Msalaba Mwekundu huku ghasia hizo zikizagaa katika eneo la Kisauni.
Biashara zimefungwa na kuufanya mji huo wa pwani kukumbwa na ghasia. Shule pia zimefungwa na wanafunzi kurudishwa nyumbani.
Kikosi maalumu ya kutuliza ghasia pamoja na polisi wa kawaida wanapambana na waandamanaji.
0 comments:
Post a Comment