CESARE PRANDELLI KUPETA HADI MWAKA 2016

 

Shirikisho la soka nchini Italia FIGC limetangaza msimamo wa kuwa na imani na kocha mkuu wa timu ya taifa ya nchi hiyo Cesare Prandelli, ambae ana jukumu la kuiongoza The Azzuri kwenye fainali za kombe la dunia za mwaka 2014 huko nchini Brazil.

Raisi wa shirikisho hilo Giancarlo Abete amesema uwezo wa kocha huyo bado ni kubwa, na wana hakika utakua chachu kwa timu yao kufanya vyema kwenye fainali hizo, licha ya baadhi ya wadau wa soka nchini Italia kuanza kumkejeli.

Giancarlo Abete, amesema kwa kuonyesha ni vipi walivyokua na imani kubwa na Cesare Prandelli, tayari wameshampa mkataba mpya wa kuendelea kuitumikia timu ya taifa ya Italia hadi mwaka 2016 ambao utaanza kufanya kazi mara baada ya mkataba wa sasa utakaofikia kikomo kwa mwezi July mwaka huu.

Kiongozi huyo wa soka nchini Italia amesisitiza kwamba pamoja na kebehi kuelekezwa kwa Cesare Prandelli, wameamua kumpa mkataba mpya kwa makusudi huku wakiamini hata kama atashindwa kufanya vyema katika fainali za kombe la dunia, bado atakua na nafasi nyingine ya kujipanga kwa ajili ya fainali za mataifa ya barani Ulaya za mwaka 2016.

“Tunajua ni nini tunachokifanya kwa maslahi ya soka la nchini Italia, hatuwezi kuwasilikiza baadhi ya watu kwa kuamini uwezo wa Cesare Prandelli, umeshuka bali tunaamini katika utendaji wa kazi ambapo kwa kocha huyu tunaridhishwa na uwezo wake” Alisema Giancarlo Abete.

Katika hatua nyingine Giancarlo Abete, amewataka baadhi ya wadau wa soka nchini Italia wanaopinga uwezo wa Prandelli, kwa kukumbuka namna alivyoichukua timu ya taifa ya Italia mara baada ya fainali za kombe la dunia za mwaka 2010, na kuifikia mafanikio ya kuifikisha timu hiyo katika hatua ya fainali kwenye michuano ya barani Ulaya ya mwaka 2012.

Wadau wa soka nchini Italia wamekua wakihoji uwezo wa kocha huyo mwenye umri wa miaka 56 kutokana na kushindwa kuiwezesha Italia kutwaa ubingwa wa barani Ulaya, kwa kuruhusu timu hiyo kufungwa idadi kubwa ya mabao kwenye mchezo wa hatua ya fainali dhidi ya Hispania.

Wasi wasi mwingine kwa wadau hao unatokana na muonekanano wa kundi la nne katika fainali za kombe la dunia ambapo Italia imepangwa katika kundi hilo na timu za Uruguay, Uingereza pamoja na Costa Rica.

Share on Google Plus

About Unknown

This is a short description in the author block about the author. You edit it by entering text in the "Biographical Info" field in the user admin panel.